مسلسلات رمضان 2021..رمضان يجمعنا
العمل درامي صعيدي بطولة احمد السقا و امير
كراره وهما اتنين اخوات بينهم مشاكل بسبب الستات و الغيرة و كل واحد بيحاول يفوز علي التاني حتي لو علي حساب اخوه ، بيتخانقوا دايما علي مين صوته اعلي .
المسلسل اخراج الاستاذ محمد سامي ..و تأليف الاستاذ محمد سامي ..و بطولة الاستاذة حرم الاستاذ محمد سامي (مي عمر) و في الغالب زي ما عودتنا هيبقي ان ابطال المسلسل طالعين يتخانقوا عليها كالعاده.😂😂
المسلسل متصور في قصر البارون 👌....خلاص يا استاذ محمد سامي ده انت حد غني جدااا 😅
الممثلين المشتركين : احمد مالك ، محمد مهران ، ادوارد ، احمد داش.
البرومو 👈👈 https://youtu.be/TZEQ3O14fPU
مسلسل موسي :
طبعا من الاسم من غير حتي ما نشوف البرومو و
زي كل سنه الاستاذ محمد رمضان عامل لينا مسلسل كريتيف بفكره كريتيف بمعالجه كريتيف بشخصيه كريتيف بدموع كريتيف وممثلين كريتيف كالعاده.👌👌
احداث المسلسل ف الخمسينات مرورا بالستينات
،اثناء الاحتلال البريطانيعلي مصر .
هو شخص اتوفي والده و هو من محافظه من
محافظات الصعيد بيتحمل مسؤلية اخواته ، و
يضطر يسيب بلده و يسافر القاهره يستقر فيها
و يشتغل في تصدير و استيراد اشياء من غزه
لمصر و العكس ، و يعجب ببنت فرنسيه ، و تيجي الأحداث الدراميه.
الممثلين المشاركين: رياض الخولي ،
اسماء جلال ، منذر رياحنة ، سيد رجب
، صبري فواز. تأليف : ناصر عبد الرحمن .
اخراج : محمد سلامه .
البرومو👈👈 https://youtu.be/r5NYSMQUVTw
بطولة (ياسمين عبد العزيز) و (ياسمين عبد العزيز).... اصل هي وأحمد العوضي واحد 😻 و لا ايه ...؟😅
شخصية الاستاذه ياسمين عبد العزيز (غزل ) ، الفتاة القوية بنت البلد منالطبقة الشعبية ، هتدخل في صراع مع الاستاذ احمد العوضي (سيف الخديوي) طبعا ده في التمثيل بس😉 .... ومتزوج من الفنانه دينا فؤاد و محدش فيهم
عنده مشاعر للتاني و اثناء الصراع و الاصطدام بين (غزل ) و (سيف ) بيتعاونوا و يقعوا في حب بعض و يضطروا الشرير اللي بيجسده الفنان خالد الصاوي .
( مسلسل تركي من الآخر )😂😂
استاذ احمد العوضي في المسلسل ده ناقصه يمشي علي الحيطه . 😆
الممثلين المشتركين : عايدة رياض ،
دنيا عبد العزيز . تأليف : عمرو محمود
ياسين . اخراج: مصطفي فكري.
البرومو 👈👈 https://youtu.be/o3moS1ym510
فارس بلا جواز:
(منايا حبيبي تحب هوايا ... هوايااا ، و ياريتك
تعرف ايه جوايا .....)💃
المسلسل كوميدي بحت .. و قصته هتكون بشكل
متصل منفصل و كل حلقه بقصة . بس نفس الابطال الاساسين .
الاستاذ مصطفي قمر بيشتغل مدير لمكان سياحي مش بيفكر في الجواز خالص بس بيجبر علي الجواز و اصدقائه بيدورولوا علي بنت مناسبه و طول الحلقات بيقابل عدد كبير من الفنانات الشباب في التمثيل .
المسلسل لطيف و خفيف.
الممثلين المشتركين: طارق عبد العزيز، ندي موسي ، محمد ثروت ، سليمان عيد ، بشري ، راندا عبد السلام ،
مي كساب ، اسماء ابو اليزيد، نانسي صلاح.
تأليف : فداء الشندويلي . اخراج : معتز حسام .
البرومو 👈👈https://youtu.be/WdH3SpdffSo
مسلسل النمر:
البرومو بيفكرنا بمسلسل هوجان السنه اللي فاتت اكيد مش نفس الاحداث بس نفس الجو..و يمكن كمان الفورمه بتاعةمحمد امام زادت شويه...😂
المسلسل درامي مليان اثاره و تشويق و بيحكي عن شاب صعيدي يهرب من الثأر الي القاهرة، و بيشتغل في محلات الصاغه و هيبقي بينه و بين التاجر الشرير عنتر العديد من الصراعات .
محمد امام لأول مره في حياته بيمثل دور صعيدي و هو الوحيد بين الكاست بيتكلم صعيدي .
ممثلين العمل : محمد رياض و نرمين الفقي و بيومي فؤاد و خالد انور و محمد مهران . اخراج : الاستاذه شيرين عادل .
البرومو👈👈 https://youtu.be/bttlDk_OtQ4
مسلسل ملوك الجدعنه :
المسلسل بطولة مصطفي شعبان و عمر سعد 😎
حلو اوي ستايل مصطفي شعبان و هو بيتحول فيه من قاهر للنساء ل قاهر للرجال .
مصطفي شعبان شاب فقير يعيش في قرية شعبية ، عمرو سعد صديقه واقف معاه و بيشتغلوا مع بعض في التجاره لغاية ما بيوصلوا للقمة .
بيحصل بينهم خلاف بسبب بعض رجال الاعمال، بيتسبب رفض جواز حنان مطاوع (اخت مصطفي شعبان ) من عمرو سعد ؛ لكن بيكتشفوا المؤامره دي الصديقين مع بعض و بيقرروا الانتقام مع بعض .
الممثلين : عمرو عبد الجليل ، رانيا يوسف ، حنان مطاوع ، ياسمين رئيس.اخراج : أعرفان خالد موسي .
البرومو👈👈 https://youtu.be/FsAx_Mmz87Q
مسلسل ضد الكسر:
نيللي كريم ( سلمي ) جوزها علطول بيخونها..مش عارف بيفكر ازاي ده؟؟😂
المهم بيحصل طبعا بينهم خلافات و مشاكل و تدخل في تشابكات متعددة و يؤدي ذلك الي تدبيرها لخطط و مكائد عشان تنتقم منه .
المسلسل درامي و احداثه شكلها جامد .
الممثلين اللي شاركوا العمل ده : محمد فراج ، مصطفي درويش ،هشام اسماعيل ، لقاء الخميسي . تأليف : عمرو الدالي
. اخراج : أحمد خالد . و انتاج مشترك بين سينرجي و العدل جروب .
البرومو👈👈 https://youtu.be/EfTl2EXvc9oمسلسل الاختيار 2 :
بطولة كريم عبد العزيز و هو طالع من فيلم ولاد العم ،و احمد مكي و هو طالع من مشهد الاكشن في فيلم لا تراجع و لا استسلام.😅
البرومو عظمه 👇💥
المسلسل بيظهر بطولات الشرطه المصرية من عام 2013 ، و بيبين بعض الوقائع و الاحداث اللي قامت بيها الشرطه في مواجهة الارهاب .
الممثلين المشاركين : انجي المقدم ، اسماء أبو اليزيد و سامح الصريطي ،عمروعبد الجليل ، محمد فراج ، اسلام جمال . تأليف : هاني سرحان واخراج: بيتر ميمي ، و انتاج: شركة سينرجي.
البرومو👈👈 https://youtu.be/fvi-D1pci58
مسلسل كوفيد 25 :
اوووف يعني الاسم وحده يكفي ... رعب .. خوف
.. خيال .🔥🔥
و تخاف يطلع في الاخر فيلم كرتون .😂
المسلسل هيتعرض 15 حلقه في النص التاني من
شهر رمضان الكريم.
الفنان يوسف الشريف يقدم شخصية يوتيوبر و العمل بيحكي تطور وباء كورونا من خلال قصه خيالية بمشاهد مؤثرة درامية و الاكشن و التشويق.
الممثلين المشاركين : أحمد صلاح حسني ، أيتن عامر ، ادوارد ، راندا البحيري ، ايناس كامل . تأليف: انجي علاء .
اخراج : أحمد نادر جلال .
البرومو👈👈 https://youtu.be/PcIxClNjke0برنامج رامز عقله طار :
هنختم بالبرنامج اللي بيرفعلنا الادرينالين ده .. ومش هحكي عليه كفايه عليكو البرومو و لون شعر رامز ..
البرومو👈👈 https://youtu.be/jYkjBUNAKuI
رمضان كريم ❤
🔥🔥👌👌
ردحذفتوقعات قويه ومنطيقيه تفوق توقعات المخرجين
ردحذف